Fritt Ord støttar Jaja

Jakob Sande - senter for forteljekunst gir ut Tidsskriftet Jaja, eit tidsskrift om og med forteljekunst.

I tildelingane for "Norsk journalistikk" i september 2025, fekk Sandesenteret 15 000 kr. i støtte til å lage den digitale utgåva Verda slik vi kjenner ho.

Kva kjenneteikner verda slik du kjenner ho? Kva vil du endre, og kva vil du ikkje miste? I denne digitale og fjerde utgåva av Jaja, inviterer vi bidragsytarar til å utforske temaet kjensla av å leve i ei verd i rask endring, gjennom tekstar og bidrag i ulike sjangrar. Les utgåva her.

Vi er takksame for støtta, som blant anna er brukt til ein artikkelserie om kulturelle fellesskap og brytningar i grenseområda til Noreg.

I 2025 har Sandesenteret også gitt ut Jaja på papir. Papirutgåva Ting som tause forteljarar kan du kjøpe i Gamle skulehuset kvar laurdag 11-14, i Nynorsk bokhandel i Oslo og hos Tekstallmenningen i Bergen. Her kan du bestille Jaja på nett.

Tidsskriftet Jaja er også laga med støtte frå Kulturrådet, Sparebankstiftinga Fjaler og finansiert av Sandesenteret.

Aktuelt fra Jakob Sande-senteret

Sandesenteret lanserer Forteljeduken

Forteljeduken er ein ny, vevd duk med motiv av illustratør Eva Meier, produsert ved det tradisjonsrike Ekelund veveri. Inspirert av liv, arbeid og forteljingar langs Dalsfjorden inviterer duken til samtale og glede rundt bordet.

Sandesenteret får støtte til å utbetre uteområdet ved Løa

Sandesenteret får støtte frå Huset i Bygda og kulturminnemidlar frå Fjaler kommune til å utbetre uteområdet ved Løa. Midlane gjer det mogleg å betre tilkomsten, gjere området universelt utforma og endå meir tilgjengeleg for alle, både dei som leiger huset, deltek på arrangement og brukar uteområdet til skule eller fritid.

I residens

Jógvan Helge Gardar er årets første i residensen. Under opphaldet skriv han på ein eigen roman i tillegg til å omsetje færøysk poesi til nynorsk.