Denne veka skjer det: Teaterfestivalen i Fjaler!

Denne veka går Teaterfestivalen i Fjaler av stabelen, med eit sterkt og nyskapande program.

Under festivalen utvidar Jakob Sande- senteret opningstida i Gamle skulehuset. 

Velkommen innom for kaffi, handel og drøs:

• Fredag 12.9 kl. 11-16
• Laurdag 13.9 kl. 11-16
• Sundag 14.9 kl. 11-16, med festivalprogram i Gamle skulehuset kl. 12 - HEMNAREN & SONETAPET med Rolf Losnegård og Odd Kjørstad.

Nordisk fellesskap

Årets festival markerer startskotet for ei ny fleirårig internasjonal satsing. Med særskilt fokus på Norden og øylanda i Nord-Atlanteren, er programmet prega av spanande scenekunstnarar frå Færøyane, Island, Shetland og Grønland. Festivalen arrangerer også fagprogram og ein heilt ny musikkfestival: HEIME@RIVEDAL. 

I veka fram mot festivalen går dessutan Nordisk teatercamp for yngre, skapande scenekunstnarar føre seg på Steia gard. I løpet av veka vert det ulike workshops og fagsamtalar, og torsdag 11. september kl. 11.00 opnar festivalen med ein kunstnarpresentasjon på Steia gard. Her er alle velkomne.

Sjå heile programmet og sikre deg billettar her. 

I Klokkargarden

I Jakob Sande-senteret er vi stolt vertskap for festivalteam og artistar gjennom veka, som vi husar både i residensen og i Løa.

På laurdag finn DEN STORE BYGDEFESTEN laurdag 13.9 stad her i tunet. Det blir ein magisk kveld i Klokkargarden med musikalske overraskingar, bål, sal av mat og drikke, og dansefest med Dragongirl. Kjøp billett her. 

Sundag kl. 12 kan du få med deg HEMNAREN & SONETAPET i Gamle skulehuset, der Rolf Losnegård og Odd Kjørstad fortel om sagalitteraturen og koplingane mellom Vestlandsfjordane og Island. Billett her.