Den folkekjære forteljekunstnaren Jon Eikemo har gått bort
Den folkekjære forteljekunstnaren og skodespelaren Jon Eikemo har gått bort. Vi vil særleg hugse han for hans store engasjement for Jakob Sande si dikting, som han bar fram med kraft, klokskap og varme.
Jon Eikemo og Jakob Sande på sokkel i Fjaler 4. oktober 1991. Arkivfoto: Oddleiv Apneseth
Jon Eikemo (1939-2025) si tilknyting til Sande sine tekstar byrja tidleg, og i 1979 fekk han spelemannsprisen for albumet “Leser Jakob Sande”, men det var med førestillinga Jakob Sande & Jon Eikemo, trur eg ... i 1991 at han verkeleg markerte seg som Sande-tolkar. Eikemo bar tekstane fram med eit språk som fekk folk til å kjenne seg att, anten han sto på nasjonale scener eller i små grendehus, og Eikemo formidla dikta til Sande med ein kombinasjon av musikalitet, humor og djupt alvor. Eikemos Sande-suksess er den mest sette enkeltmannsframsyninga i norsk teaterhistorie.
Jon Eikemo sitt arbeid har vore svært viktig for at Jakob Sande sine tekstar framleis lever så sterkt i folket.
Jakob Sande-selskapet lyser fred over Jon Eikemo sitt minne, og seier takk for alt han gav oss.
Aktuelt fra Jakob Sande-senteret
Vekas dikt: «Haust»
I 1936, som trettiåring, gav Jakob Sande ut si fjerde diktsamling, Villskog. I år er det 90 år sidan utgjevinga. «Haust» er eit av dikta i samlinga og er denne vekas dikt.
I residens
Denne veka er Wenche O. Gressnes og Mona Høydahl frå Harstad i residens i Dale. Her utforskar dei munnleg forteljing og ulike måtar å hente fram og formidle kvardags- og livsforteljingar på.
Skrivekurs for nye stemmer
På Forteljekunstakademiet inviterte Tekstallianse og Sandesenteret til kurs for skrivande med norsk som andrespråk.