Vekas dikt: Bondesalme
Kvar veke deler vi eit dikt av Jakob Sande. Følg med og bli enno betre kjend med den folkekjære diktaren frå Fjaler. Bondesalme er eit dikt frå debutsamlinga til Jakob Sande frå 1929. Ein hyllest til bonden.
Foto frå Igeltjøn, henta frå Marcussamlingen UiB.
BONDESALME
Heilagt, heilagt og høgt er ditt yrkje,
du bonde bøygd over svartan jord!
Du er prest i Guds store, heilage kyrkje,
du tolkar det einaste evige ord!
Den klang av spaden mot stein og røter,
er lovsong mot heimsens Gud,
og kufta grå med dei slitne bøter,
eit strålande presteskrud.
Bøyg deg, bonde, mot moldi svarte,
då bøygjer du kne for Gud Herren stor!
Og dyrkar du honom med sjel og hjarte,
so dyrkar du hugheilt hans fagre jord.
Då skal hans signing til siste tider
deg fylgja frå ætt til ætt,
og kraft han senda til fram du strider
dei mål han for deg har sett!
Svarte næter, 1929.
Aktuelt fra Jakob Sande-senteret
Aftenlandet kjem til Fest i Fjaler
Aftenlandet kjem til Fest i Fjaler laurdag 15. august med melodisk visepop, nynorske tekstar av Jakob Sande og kjende låtar som «Du», «Hymne» og «Morgon i mai».
Vekas dikt: Stubb
Årets tema i Sandesenteret er "kvinna". Som del av arbeidet med temaet set vi mellom anna søkelys på kvinnene i Sande si dikting og deler eit nytt dikt kvar veke. Denne vekas dikt er "Stubb".
Aina Basso held det første Sandeføredraget
I 2026 er det 120 år sidan Jakob Sande var fødd. I høve jubileet skipar vi ein ny tradisjon, og inviterer ein framifrå formidlar til å halde det første Sandeføredraget.