Vinylkvisskåseri med Arild Torvund Olsen
Platesamlar og høgskulelektor Arild Torvund Olsen kjem til Sandesenteret for å halde kviss og kåseri om nynorsk platehistorie.
Foto frå Vikebladet
Nynorsk platehistorie kan by på plateknusing, kontroversiell oppjazzing av songskatten, Jakob Sande-tekstar som vart for sterk kost for norsk platebransje, og plateutgjevingar som var ei god blanding av forretning og umoral. Men òg ukjende musikalske perler, uventa storseljarar og banebrytande innspelingar.
Platesamlar og høgskulelektor Arild Torvund Olsen har samla forteljingar frå 80 år med nynorsk vinylhistorie i bokform. Her er plater som du ikkje visste fanst, plater som du mimrar om, og plater du gler deg til å høyre på. 8. august tek han med platespelaren til Sandesenteret for å by på artig musikkhistorie kombinert med musikk-kviss. Det vert akkurat passe vanskeleg, og akkurat passe gøy.
Stad: Løa i Jakob Sande - tunet.
Før kåserikvissen er det utdeling av Samlagsprisen oppe på låven. Etter programmet vert det Folkemusikkpub nede i floren.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Open bokhandel og krambu i Gamle skulehuset
Sandesenteret sin eigen bokhandel, krambu og møteplass ope laurdagar 11-14. Enkel kafè og eit utval nye bøker og ymse frå eigen produksjon.
Sommarakademi i munnleg og skriftleg forteljekunst
Sommarakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.