Utdeling av Samlagsprisen
Samlagsprisen for året 2024 blir delt ut i Jakob Sandesenteret under Fest i Fjaler. Til å dele ut årets pris har vi leiar av utval for samferdsel og mobilitet i VLFK, Arve Helle.
Samlagsprisen er ein årleg pris som Litteraturselskapet Det Norske Samlaget deler ut til ein forfattar som skriv på nynorsk, uavhengig av forlag og utan krav til å ha gitt ut ny litteratur dei siste åra. Under årets Fest i Fjaler vil Samlaget dele ut årets samlagspris. Prisen er på kr 50 000.
Tidlegare vinnarar av prisen:
2023 Brynjulf Jung Tjønn (skjønnlitteratur)
2022 Alfred Fidjestøl (sakprosa)
2021 Aina Basso (skjønnlitteratur)
2020 Katrine Sele (sakprosa)
2019 Marit Eikemo (skjønnlitteratur)
2018 Astrid Sverresdotter Dypvik (sakprosa)
I juryen sit Ingvild Bræin, Liv Hege Skagestad og Gunnstein Akselberg.
Leiar av utval for samferdsel og mobilitet i Vestland Fylkeskommune, Arve Helle (Ap) deler ut prisen.
Prisutdelinga vil bli etterfulgt av samtale med prisvinnar leia av Ingvild Bræin.
Arrangementet har gratis inngong.
Kva skjer hos oss?
Ammer frå Sunnfjord // Kristine Ness fortel
På 1700- og 1800-talet reiste fleire kvinner frå Sunnfjord til Bergen for å tene som ammer for velståande familiar. Kva fekk gifte koner til å forlate eigne barn, og korleis reagerte samfunnet? Dette har Kristine Ness ved Sunnfjord Museum forska på, med utgangspunkt i livet til husmannskona Marte Movik. Onsdag 30. juli kl. 18 held ho føredrag om temaet i Løa i Sandesenteret, der det òg vert høve til samtale etterpå.
Fest i Fjaler
Ei feiring av forteljekunsten! Gjennom mange år har Jakob Sande - selskapet arrangert "Fest i Fjaler". I 2025 markerer vi også at det er fem år sidan Jakob Sande - senter for forteljekunst opna. Sidan opninga i 2020 har Sandesenteret bygd opp ei vesentleg verksemd og fått stor merksemd og blitt eit vitalt senter for forteljekunst. 8. - 10. august markerer vi jubileet med eit variert program innan forteljekunst.
Lansering av Tidsskriftet Jaja på papir: Ting som tause forteljarar
Vi lanserer den første papirutgåva av Tidsskriftet Jaja, med feiring og smakebitar i Løa!