Sommaropera i Løa
Opera Kysten legg ut på sommarturnè. Tysdag 21. juli legg dei til kai i Dale og held konsert i Løa.
På høgaste sumaren, i veke 30, legg OperaKysten ut på turnè med “Opera ved Fjorden”. Med sopran Nora Oleanne Sårheim i spissen inviterer vi til varme, nære og overraskande operaopplevingar på nynorsk.
Nora Oleanne Sårheim (sopran) har mastergrader frå Griegakademiet ved Universitetet i Bergen og Operahøgskolen ved Kunsthøgskolen i Oslo.
Den vestnorske sopranen er kjend for si særmerkte musikalske forteljeevne, og har gjort seg bemerka over heile landet med den lyriske klangen sin og dei kritikarroste nynorskgjendiktingane sine av opera- og operetteariar.
Ho er fast solist og kunstnarisk leiar for OratorieSolistene, eit turnerande kyrkjemusikkensemble, og grunnleggjar og kunstnarisk leiar for OperaKysten i Florø, som markerte tiårsjubileum i januar 2026.
Under Flagstadfestivalen i 2026 er ho både tekstforfattar og i tittelrolla i barneframsyninga Rusalka – ein eventyropera. I sesongen 2026/27 har ho mellom anna debutar som solist ved Den Norske Opera & Ballett, Bergen Nasjonale Opera og Arktisk Filharmoni.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Færøykveld i Løa
Gjennom ord, bilete, song, færøydans og smakar får vi kome tett på kulturen og samfunnslivet på Færøyane. Karin Flatøy Svarstad deler historier frå øyane i vest, og saman med dottera og familien til musikaren Hanus G. Johansen blir det ein kveld med færøyske tradisjonar og ein musikalsk hyllest til ein artist som hadde sterke band til Fjaler og Jakob Sande.
Laurdagsope i skulehuset
Gamle skulehuset som møteplass, krambu og bokhandel held ope kvar laurdag. Her er eit rikt utval frå varer frå eigen produksjon og aktuell litteratur, samt enkel kafè.