Sommarope i skulehuset

Hos oss kan du:

• besøke bokhandelen, krambua og kafeen i Gamle skulehuset
• lære om Jakob Sande sitt liv og dikting i museet i Bestefarstaua eller på omvising i Klokkargarden. Du kan også få omvising i Nikka Vonen sine fotspor.
• følge naturstien i tunet, fin for store og små. 
• delta på kurs og akademi og utvikle evnene dine innom munnleg og skriftleg forteljekunst. 
• delta på sommarprogrammet, med alt frå kurs, føredrag, salongar og vandringar. 

Jakob Sande - senter for forteljekunst opna i august 2020, med formål om å skape samarbeid mellom folk og miljø som har forteljing som kjerne i verksemda si, arbeide for å få fram eit mangfald nye stemmer og i det perspektivet forvalte og forske i arven etter forfattar Jakob Sande. Senteret ligg i barndomsheimen til den folkekjære diktaren Jakob Sande, i Klokkargarden i Fjaler, men har nasjonalt og til dels også internasjonalt verkeområde.

Det gamle skulehuset opna i ny form juni 2021, som ein inngangsport til Jakob Sande-senter for forteljekunst. Det har utvikla seg til å bli ein møteplass, kafè, krambu og bokhandel. I sommarsesongen held våre sommarvertar huset ope kvar dag unnateke måndagar. 

I skulehuset finn du alt frå Sandesenteret sin eigen produksjon, med koppar frå Figgjo, duk og handkle frå Ekelund, notatbøker, garnpakkar, t-skjorter og handlenett og ein enkel kafè. Det er også eit rikt utval bøker for alle aldersgrupper.