Sandeseminaret 2026: Forteljekunst i skule, arbeid og liv

Ved Jakob Sande - senter for forteljekunst bygger vi eit nasjonalt fagmiljø for skriftleg og munnleg forteljekunst. Det tradisjonsrike Sandeseminaret skaper samarbeid mellom folk og miljø som har forteljing som kjerne i si verksemd. 

I 2026 inviterer vi personar frå skule, arbeidsliv, kunst og kultur til eit fagleg seminar om forteljekunst i skule arbeidsliv og liv. Ei av satsingane våre er eit eige programfag om forteljekunst i vidaregåande skule. 

På seminaret vil vi drøfte og utforske behovet og vilkåra for forteljing og forteljekunst i skule, arbeidsliv og liv, gjennom foredrag, panelsamtalar, dialog og forteljekunst. 

På programmet står mellom anna innlegg om forteljekunsten si rolle i skulen i vår polariserte tid og foredrag om forteljing og kunstig intelligens.

Leiarar frå journalistikk, kommunikasjon, innovasjon og internasjonalt samarbeid vil gi oss innblikk i kompetansebehov knytt til forteljing og forteljekunst i ulike bransjar, med NRK Nynorsk mediesenter, Sparebank1 Sogn og Fjordane og Innovasjon Noreg blant deltakarane. 

Dette er berre smakebitar. Fullt program kjem her på jakobsande.no. 

Ynskjer du å delta? Send epost til tora@jakobsande.no og merk "Sandeseminaret".