På sporet av Nikka Vonens hage på Steia Gard
Hagen til Nikka Vonen, knytt til pikeskolen på Steia Gard, var vakkert opparbeida med stiar, lysthus, blomar og tre. No er hagen endra, men spora etter det som ein gong var, finst framleis. I denne bolken inviterer vi til vandring, samtale og refleksjon om hagen si historie og mogleg framtid.
Då Nikka Vonen dreiv pikeskule på Steia Gard i Dale, var hagen hennar eit syn for auga. Broren Pavel hadde bygd lysthus, paviljong og hundehus. Roser og stauder blømde, og hagen var laga for at småpikene kunne nytte han både til læring og kvile.
I dag ser hagen annleis ut. Han er ikkje lenger slik han ein gong var. Men spora finst framleis. Dei kan enno fortelje historier frå ei anna tid. Vi let oss inspirere av minna frå den hemmelege hagen og Nikkas Rosenlund – og saman ser vi føre oss korleis hagen kan vakne til liv igjen.
Møt eigaren av Steia Gard, Hans Bjarne Haugen, kunsthistorikar Alexander A. Rauboti, kunstnar Erik Hovland, Liv Hege Skagestad og Rakel C. W. Solheim i denne bolken. Her lærer vi oss å sjå – sjå tilbake, sjå fram – saman. Erik Hovland leier ei økt om å sjå, om å finne utsnitt og komposisjonar. Det vert samtale, vandring, ei oppdagingsferd – og eit blikk på vegen vidare.
Etterpå kan du ta turen vidare til open kafé og utsal i Kringlebua og Jonsokfeiring i Klokkargarden.
Kva skjer hos oss?
Premiere på musikalen "Ein draumefabel"
Alle kulturskuleelevane på dans, teater og musikk i Kulturskulen i Fjaler er i full sving med å øve inn musikalen "Ein draumefabel", som Jakob Sande - senter for forteljekunst har skrive manus til. Musikalen har premiere 13. juni på Samvirket scene.
Kurs i verselesing med Idun og Rolf Losnegård
Vi startar forteljekunstakademiet med eit forkurs i verselesing med Idun og Rolf Losnegård. Her vil deltakarane få kunnskap om diktaren sin prosess og arbeide med å framføre dikt av Jakob Sande.
Opning og ord ved Leif Jarle Espedal
Som opning av sommarsesongen og årets forteljekunstakademi vil ordførar i Fjaler, Leif Jarle Espedal, fortelje ved Nikka Vonens minnestøtte og Jakob Sandes æresstøtte.