Musikk ved Ola Tennes og open mikrofon i Løa
Bli med på ein kjekk sommarkveld i Løa med musikk ved Ola Tennes. Ola er visesongar med base på Sandane, og kjem til Løa i Klokkargarden for å spele og synge for oss. Mikrofonen er open for deg òg!
Ola Tennes debuterte som soloartist med melodiøse og poetiske viser i 2018 – og sidan den gongen har han spelt på svaberg, i gapahukar og kaféar, på lekterar, årsmøter, demonstrasjonar, konferansar og kneiper både i aust og vest. Når han kjem til Dale har han allereie gjeve ut tre ferske singlar og ein EP gjennom våren og forsommaren! Følg med på strøymetenestene.
Ola ønskjer å kome tett på publikum for å formidle dei undrande tekstane sine og dei leikne melodiane. Tekstane inneheld både humor og alvor, røyndom og draumar. Rettnok ein jovial melankoli! Musikken som har forma han, kan vere alt frå Cornelis Vreeswijk og Håkan Hellström til DumDum Boys og Tom Petty. Og om kvelden er varm, spelar han jammen nokre coverfavorittar òg!
Baren er open.
Inngong på 120,- betalast i døra.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.