Markering av Nikka Vonen sin fødedag
Bli med på ei lita markering av fødedagen til føregangskvinne og skulepioneer Nikka Vonen. Kunsthistorikar Alexander Rauboti og Nikka Vonen-biograf Greta Hekneby tek oss med tilbake til ei tid der småpigerne regjerte på Steia. Dei fortel også om det nyoppretta venelaget for Nikka Vonen.
Nikka Vonen vart fødd i Dale 14. november 1836, døypt Nicoline Marie Vonen.
Nikka Vonen dreiv jenteskule på Steia i Fjaler i 36 år, skreiv ned folkeminne og folkeskildringar. Skreiv sjølv dansk, men var den første kvinna som var medlem i Vestmannalaget. Nikka var aktiv i si samtid, stod for kvinnefrigjering og var oppteken av at medmenneska hennar skulle ha gode liv.
Det er oppretta eit eige venelag for Nikka Vonen. Kva venelaget skal arbeide med og korleis du kan bli medlem der, får du høyre meir om under markeringa.
Vi samlast ved minnestøtta på Steia kl.18.00. Vegen går vidare til Gamle skulehuset der Alexander Rauboti og Greta Hekneby fortel om Nikka Vonen og om korleis vi kan ta med oss det som har vore inn i nyskaping.
Det er gratis og alle er velkomne.
Arrangement i samarbeid med Nikka Vonens venelag.
Foto i hendinga av David Zadig.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Open bokhandel og krambu i Gamle skulehuset
Sandesenteret sin eigen bokhandel, krambu og møteplass ope laurdagar 11-14. Enkel kafè og eit utval nye bøker og ymse frå eigen produksjon.
Sommarakademi i munnleg og skriftleg forteljekunst
Sommarakademiet er for alle som ønskjer utvikle evnene sine til å lytte, til dialog, til å fortelje, til å skrive, samhandle og skape. Alle utøvarane er aktivt deltakande i føredrag, kurs, praktisk arbeid og kvar einskild får utvikle sine evner munnleg og skriftleg.