Kvinna på tvers av kulturar
Ein samtale om kvinna på tvers av kulturar og forventningar mellom Irene Kindunda Afriyie, Sarah Camille Osmundsen og Mariko Miyata-Jancey. Samtalen vert leia av Eduardo "Doddo" Andersen.
Årets tema i Sandesenteret er kvinna. Under Fest i Fjaler møtast Mariko, Sarah og Irene til ein samtale leia av Doddo om kvinnerolla på tvers av kulturar.
Mariko Miyata-Jancey er japansk-norsk koreograf, dansar og forfattar med lang erfaring med formidling og framsyningar retta mot barn og unge. Miyata-Jancey har ein master i koreografi frå KHiO og ein master i barne- og ungdomslitterær skrivekunst og formidling ved NBI.
Sarah Camille Osmundsen er songar, poet og forteljar fødd i Paris, oppvaksen i Oslo, med røter frå Martinique og Stavanger. Kunstnarskapen hennar spenner over musikk, poesi og scenekunst, prega av leik, nærvær og sterke forteljingar. Ho vart noregsmeister i poesislam i 2011 og fekk Spellemannprisen for beste barneplate i 2020.
Irene Kinunda Afriyie er ein erfaren historieforteljar, forfattar og samfunnsdebattant. Gjennom skriving, foredrag og offentlege samtalar byggjer ho bru mellom kulturar og utfordrar etablerte førestellingar om identitet, tilhøyrsle og fellesskap. Med varme, humor og kritisk blikk løfter ho fram historier om Afrika, innvandring, feminisme og kva det vil seie å høyre til i Noreg. Ho er fast gjestekommentator i Bergens Tidende, har mastergrad i interkulturelle studiar og har vore aktiv i fleire kultur- og mangfaldsinitiativ, mellom anna gjennom Stiftelsen Fargespill. Afriyie har vore tilknytt Jakob Sande-senteret ved ei rekke anledningar, både som kurshaldar, forteljar og konferansier. I år er ho festforteljar under Fest i Fjaler.
Irene Kinunda Afriyie er òg aktiv podkastvert og samfunnsformidlar. Saman med Eduardo "Doddo" Andersen har ho podkasten Inkludert, der dei utforskar identitet, inkludering og møte mellom kulturar i det fleirkulturelle Noreg. Gjennom opne og personlege samtalar med gjester frå ulike bakgrunnar løfter podkasten fram både forskjellar og fellesskap. No kjem Irene og Eduardo til Fjaler med ein samtale om årets tema i Sandesenteret: Kvinna!
Eduardo "Doddo" Andersen er for nokre kjend som musikar, for andre som ein stor fotballentusiast. Det er imidlertid det fleirkulturelle feltet som står hans hjarte nærast. Til dagen arbeider han med inkludering. Eduardo, eller Doddo som han gjerne kallast, har vore kulturbyråd i Bergen, gitt ut fleire bøker og plater, og under Spellemannprisen 2018 vart kan kåra til årets tekstforfattar.
Samtalen vert i Løa oppe.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.