Kunstnarpresentasjon med Camilla Løken Hill i residens

Camilla Løken Hill er i residens i Sandesenteret. Camilla er utdanna ved Kunsthøgskolen i Oslo, og arbeider hovudsakleg med skulptur og installasjonar. Sidan 2017 har ho budd og arbeidd i Stavanger-regionen.

I hennar praksis tek ho utgangspunkt i det universelle, noko alle kan kjenne seg att i. Ho er opptatt av det som knyt oss saman, på tvers av kjønn, alder og kultur. Inspirasjon til arbeidet hentar ho frå natur, draumar og mystikk, saman med ei interesse for korleis liv oppstod og kva som skjer når vi døyr, både på eit fysisk og spirituelt plan.

Under opphaldet ved Jakob Sande – senter for forteljekunst arbeider ho med tekstutvikling til eit lydverk. Verket er ein del av eit kunstprosjekt med tittelen Søvnhviskeren og drømmesiler. Innhaldet i teksten vil vere ein usamanhengande flyt av ord som kan minna om Lorem ipsum; ein meiningslaus pseudolatinsk tekst. Målet er at det skal vere ein søvndyssande lyd av ord og setningar, der publikum vert invitert til å slappe av og kanskje til og med ta seg ein dupp?

Camilla Løken Hill vil gje ein kort introduksjon til sin kunstnariske praksis og fortelje kort om nokre av hennar hovudverk. Det vert opna opp for dialog og innspel frå publikum. Velkomen til ei ur-presentasjon av Søvnhviskeren, i Skulehuset laurdag 25. oktober kl. 12–13. Kunstnaren lagar ferskt grytebrød til arrangementet.

Gratis inngong med høve til å kjøpe seg mat og drikke.