Konsert med Chango Spasiuk i Løa
Tradisjonen tru kjem Førdefestivalen med konsert til Løa i Jakob Sande - tunet under festivalen. I år får vi besøk av den argentinske gitaristen Chango Spasiuk.
Det er vanskeleg å ikkje bli gripen av energien og intensiteten i musikkformidlinga til Chango Spasiuk, ein av dei største formidlarane av Chamamé-tradisjonen – ei nord-argentinsk musikkform som blandar spanske, afrikanske og guarani-tradisjonar.
I chamamé-musikken høyrest også koplingar til polka og andre austeuropeiske musikktradisjonar.
Spasiuk er ein open og fordomsfri musikar som fyller musikken sin med eit mangfald av lydar og rytmar, med lys og skugge, komposisjon og improvisasjon, arv og nyskaping.
Konserten er i regi av Førdefestivalen. Billettar på https://www.fordefestival.no/
Sal av mat og drikke i Løa før og etter konserten.
Gratis buss frå Førdehuset kl. 16.15 med retur etter konserten.
Kva skjer hos oss?
Laurdagsope i skulehuset
Open bokhandel, krambu og kafè i det gamle skulehuset laurdagar 11-14.
Færøykveld i Løa
Gjennom ord, bilete, song, færøydans og smakar får vi kome tett på kulturen og samfunnslivet på Færøyane. Karin Flatøy Svarstad deler historier frå øyane i vest, og saman med dottera og familien til musikaren Hanus G. Johansen blir det ein kveld med færøyske tradisjonar og ein musikalsk hyllest til ein artist som hadde sterke band til Fjaler og Jakob Sande.
Laurdagsope i skulehuset
Gamle skulehuset som møteplass, krambu og bokhandel held ope kvar laurdag. Her er eit rikt utval frå varer frå eigen produksjon og aktuell litteratur, samt enkel kafè.