Forteljekveld med Jaja med gjestar & Anna Kleiva

Velkomen til ein triveleg kveld i Løa med program og samvær!

Tidsskriftet Jaja: Makt, mål og mæle - munnleg forteljekunst før og no
Vi markerer ny digital utgåve, med:

• Den gode lydforteljinga. 
  Lydforteljingar og lydbøker har blitt enormt populære. Kokosbananas-skapar Rolf Magne Golten Andersen og lydprodusent Viljar Losnegård har i ei årrekke arbeidd med lydproduksjonar for barn og vaksne, og er nominerte til Storytel Awards for sine forteljingar for barn. I denne samtalen spør vi Fjalers ukrona lydkongar om alt vi lurer på om den gode lydforteljinga og om det å skrive for lyd.
• Alle bør ein gong følgje ein geiteflokk i fjellet. Siri Helle.
• Sinners og munnleg overlevering som svart atlantisk kultur. Dubie-Toa Kwapong
  • Musikalsk innslag, akkompagnert av Sturle Sandvik på gitar og song og John Trygve Mulhearn Evensen på slide-gitar og song.

Anna Kleiva les Triks

Triks er eit satirisk poesiverk, ein svart komedie og ein samtids-scifi om klimaendringar, den erotiske krafta i pengar og den poetiske undergangen.

Kleiva er ein av dei mest sentrale forfattarane i sin generasjon. Ho har gitt ut fire kritikarroste diktsamlingar og det nyskapande prosaverket Echo Mountain. Forteljingar frå L.A. (2018). Saman med Vilde Tuv laga ho det musikalsk-poetiske verket Solplomme (2024). Kleiva redigerte også antologien Tunga mi protesterer mot døden. Palestinske dikt (2024) saman med Bendik Vada. Ho har omsett bøker av Ariana Reines, Asta Olivia Nordenhof og Eve Babitz. 

Baren er open.

Arrangementet er støtta av Norsk tidsskriftforening og Fritt Ord.