Folkemusikkpub med Folkemusikklaget Havbrusen
Fredag kveld under Fest i Fjaler lagar Folkemusikklaget Havbrusen med vener stemning i Løa. Ta med deg eit instrument om du har, godt humør og bli med!
Folkemusikkpub med Havbrusen har blitt ein tradisjon som ein opning på Fest i Fjaler-helga.
Havbrusen Folkemusikklag har medlemmer frå Dalsfjordområdet, og hadde sin debut på Fylkeskappleiken 2012 i Stryn. Laget tilbyr opplæring i felespel og arrangerer folkemusikkpub og forteljekveldar.
Inngong 100,- Billett i døra.
Arrangør: Folkemusikklaget Havbrusen og Jakob Sande-senteret.
Kva skjer hos oss?
Teiknekurs med Charlotte Rintler
Utandørs teiknekurs med kunstnar og illustratør Charlotte Rintler ved historiske Nikka Vonens pikeskole på Steia Gard. Gjennom teikning med blyant og blekk utforskar kurset dei gamle trehusa, detaljane og stemningane på staden, med fokus på observasjon, komposisjon og kreative teknikkar. Kurset passar for både barn og vaksne.
Omvising i Jakob Sande og Nikka Vonens fotspor
Bli betre kjend med diktar og forteljar Jakob Sande og skulestyrar og folkeminnesamlar Nikka Vonen.
Film frå Fjaler. Filmframsyning i skulehuset
Bli med på ei reise tilbake i tid når sommarvertane inviterer til filmframsyning i skulehuset. "Film frå Fjaler" inneheld unike smalfilmar frå 1930- og 1950-talet, med glimt frå kvardagsliv, festdagar og samfunnsliv i bygda. Opptaka, gjort av distriktslækjarane Harald J. Blaauw og Asbjørn Østby, er i dag ein verdifull del av kulturarven i Fjaler.