Diktardagen for born: Julegraut med Nattninja og lystenning av tuntreet
Vi inviterer til diktardagen for små og store. Bli med på feiringa av diktaren Jakob Sande sin fødedag og starten på adventstida!
Små og store er invitert på julegraut og høgtlesing av Nattninja med Rolf-Magne Golten Andersen i Løa kl. 17-18.
Kl. 18.00 tenner vi lysa på det flotte tuntreet i Klokkargarden og vi syng Jakob Sande sin kjære julesong saman.
Tidlegare på dagen har elevar frå valfaget Produksjon for scene delteke på eit skrivekurs leia av Thea Hjelmeland. Under lystenning får vi ei opplesing av nokre av dikta dei har skrive, i tillegg til dikt av Madina Darwazi.
Etter lystenninga vert det lys i alle hus i Klokkargarden og Steia gard for dei som vil kike seg rundt i husa og i tunet.
Program:
Kl. 17: DIKTARDAGEN FOR BORN
Med julegraut og høgtlesing av Nattninja ved Rolf Magne Golten Andersen. I Løa oppe, så kle dykk godt!
Kl. 18: LYSTENNING AV TUNTREET
I Klokkargarden. Lystenning av tuntreet i Klokkargarden. Allsong og dikt med Jan Haugen, elevar frå Dingemoen i samspel med Thea Hjelmeland og Madina Darwazi.
Kl. 1830: LYS I ALLE HUS
Denne kvelden vert det lys i alle husa i Klokkargarden, på Tusenårsstaden og på Steia gard. Du er hjarteleg velkomen inn!
Sjå deg om i Bestefarstaua, der Jakob vart fødd, og i våningshuset, der Jakob vaks opp, og der det no er residens og kontor.
I bokhandelen og krambua Gamle skulehuset, der Jakob gjekk på skule, vert det ope og servering av gløgg.
Frå 18:30 OPE HUS PÅ STEIA GARD
Med Nikka Vonens venelag. Her møter du Siri Ingvaldsen, Hans Bjarne Haugen og Alexander Rauboti, som held ope hus og fortel om det nyoppretta venelaget for Nikka.
Det er gratis og ope for alle.
Graut så langt lageret rekk.
Kva skjer hos oss?
Lansering av bok og kopp
Denne laurdagen lanserast både Anna Schmideder si bok "Gain what we lost" og Sandesenteret sin nyaste kopp skapt av Eva Meier. Begge to fortel om industrihistorie og korleis vi kan ta vare på kunnskap og forteljing.
Diktardagen: Lys i alle hus
Bli med på ei markering av Jakob Sande sin fødedag, med lystenning, opne hus og innslag frå fleire medverkande i Klokkargarden og på Steia. Gunnstein Akselberg kjem med helsinga «Til Jakoben på 119-årsdagen» i Gamle skulehuset,og besøkande får høve til besøke husa i kulturmiljø rundt Jakob Sande og Nikka Vonen.
Julekonsert i Løa
Bli med på ein stemningsfull førjulskveld når Sigrid Felde og Mats Systaddal inviterer til julekonsert i Løa. Med eit variert program som inkluderer kjende og kjære julesongar, nyare favorittar og eigne komposisjonar, blir det ei varm og musikalsk førjulsoppleving.