Kåseri med Halvor Folgerø
Halvor Folgerø, forfattar, musikar og journalist frå Stord, held kåseri i Løa. Gunnstein Akselberg introduserer. Folgerø har ei lang karriere i NRK, der han har jobba med alt frå nyhende og humorprogram til "Eides språksjov". Som forfattar har han gjort suksess med bøkene "Vestlandsvegar" og "Fleire vestlandsvegar", og i 2024 følgde han opp med "Ferjefolket", om livet på dei ikoniske norske ferjene.
Foto: Tove Breistein
Halvor Folgerø (f 1967) er forfattar, musikar og journalist. Han er oppvaksen på Stord, og har jobba i NRK i ei årrekkje. Der har han arbeidd i både radio og TV, og gjort alt frå å vere nyhendeopplesar og programleiar til å lage humorprogram. I seinare tid har han jobba med Eides språksjov, saman med Linda Eide. Han har tidlegare skrive to bøker saman med Finn Tokvam, romanen Tyl og samtaleboka Ler dei no, så har eg vunne. Eit portrett av Ragnar Hovland. Særleg suksess har han hatt med bøkene Vestlandsvegar og Fleire vestlandsvegar frå 2021 og 2022. Bøkene handlar om livet langs dei ville og spektakulære vestlandsvegane, og dei hausta uvanleg god mottaking og nådde mange lesarar då dei kom. I kjølvatnet av bøkene om livet på dei gamle, berykta vegane er ei bok om ferjene eit naturleg framhald, og i 2024 kom boka Ferjefolket.
Etter kåseriet kan du sikre deg ei signert utgåve av Folgerø sine siste bøker.
Programposten er i samarbeid med samlagsrota.
Kva skjer hos oss?
Forteljekunstakademiet i Fjaler
Akademi i munnleg og skriftleg forteljekunst 18. - 20. juni 2025.
Kurs i verselesing med Idun og Rolf Losnegård
Vi startar forteljekunstakademiet med eit forkurs i verselesing med Idun og Rolf Losnegård. Her vil deltakarane få kunnskap om diktaren sin prosess og arbeide med å framføre dikt av Jakob Sande.
Opning og ord ved Leif Jarle Espedal
Som opning av sommarsesongen og årets forteljekunstakademi vil ordførar i Fjaler, Leif Jarle Espedal, fortelje ved Nikka Vonens minnestøtte og Jakob Sandes æresstøtte.